مبنساش

Image may contain: 3 people, text

إيمان محمد

دايماً بنحس بأوجاع
وألام ودموع مع شوق وصراع
جوانا حاجات لو نحكيها 
ونفضفض بيها ونرويها
مع نبض مشاعر مكبوته
تتفصل مليون حدوته
يااااه ع الجرح إللي مالينا
ومحدش كدا حاسس بينا
بنضحك والحزن بيقتلنا
وقلوبنا فيها مايكفينا
بنفكر دايما ف الماضي
عايزينه يسيبنا ماهوش راضي
خايفين من بكره يكون فاضي
عايزين ننساه علشان نرتاح
جوانا مكان مهما حاولنا نملاه أفراح
غصب بيفضل دايماً فاضي مفروش بجراح
صعب نلاقي حد يحبنا زي ماضينا
الذكري جميله مهما بتبعد بتكفينا
البحر اللي زمان جمعنا
وكنا بنحكيله ويسمعنا
من غيرهم بيزيد أوجاعنا
كل مابنروح نقعد ع الشط
دايماً فاكرين لحبال الود
ووعودنا إللي وعدناها لبعض
و كالعاده نصيبنا مجمعناش
مع غيره أنا عيشت ومع غيري أهو عاش
مفضلش بينا غير الذكري
بتروح وبتيجي علي فكره
من غيره صعبه العيشه بجد
لكن عافيه لازم تتعاش
وأديني عايشه بس مبنساش
مبنساش

Advertisements


التصنيفات :شعر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: