هاميس

38748223_269024237212268_157233422652145664_n

إيزيس غانم

من ديوان هلع الخوف

رغم انى بلمحك …
ف اليوم ياروحى الف مره
ولا غبت عنى
بين دقايق يومى مره ……
النهارده ..
شوفت ف عنيك المسره …
…….. وافتكرت عيد اليسوع
لما شوفت ….
ف شماله زعافة نخيل ف غصونها دمعه
وف يمينه بالمحبه……….
كان قلبه شايل نور ف شمعه !!!
لحظتها شوفتك…
رغم شوفى اللى شايلك جوه منى !!!
بين شغاف الروح..
والجفن ومكاحل الننى..
جاى من جنة خلودك …
فوق خدودك …
بسمه بتزيح الهموم……
افتكرتك ياحبيبى
وانت قاعد جنب منى
لما كنت نديم حياتى ..
وكنت لحياتك نديم
افتكرتك يا حبيبى وافتكرت …
يوم ضحكنا ف شم النسيم !!
افتكرتك وانت راجع …
من حيضان جنة شهادتك
يا شهيد قلبى الوحيد !!!!!
تاخد بايدى وتقولى قومى ..
انهارده يا بت عيد ……
الموت مفرقش اللى بينا
وشهادتى كانت للوطن
كان غسلى من نيلك ونخلك
يامصر كان اعظم كفن !!!!!
فمتحزنيش …….
لأنى لسه يامصر عايش
ولسه شايل ثورتك ….
على كتف شعبك ..
على كتف جيشك
على كتف زرعك ..
وخضار حشيشك !!!
فاكسرى يا مصر عيشك واقسميه
على اللى لسه ف أرض سينا
ودمه بيشاور عليه
على الولاد السمر …
على اللى لسه بيبتدوا
أول بداية عمر……!!
لكنهم رافضين يعيشوا
الا لما يشوفوا نخلك
بلحه طارح بالولاد !!
ياكلوا تمره ويزرعوا …
بالنوا أعياد ميلاد !!
مانتى الميلاد وانتى الولاد ..
وانتى يا مصر الامومه ..
للابن والأجداد…
فاسلمى يا مصر وابنى …
ابنى ابنى ..وابن ابنى ..
طول ما لسه …
يا بلدى ف عيونك نهار
والعنب بعروشه فارش كل دار…
تبقى قادره يا مصر تانى تسكّرى
طعم المرار….!!!!
طول مالسه بين ولادك
قلب مصرى ..
طعم مصرى ..
حب مصرى …
تبقى لسه هاميس ونيلك
مستنى عرسك …
مستنى فرحك …
مستنى يقفل فتح جرحك !!
مستنى موسى يحدف عصاه
تسعى وتبلع كل تعابين الطغاه
ويلف فوق شعرك هاميس
زينة الاعياد تحنك ..دم مصرى
ياعروسة النيل ياساكنه جوه قلبى
وجوه قلب ……كل مصرى

Image may contain: ocean, sky, skyscraper, outdoor and water
Advertisements


التصنيفات :شعر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: