إيزيس غانم
مبقتش أنا القطة..
اللى كانت بتتمسّح ..
على صدر قميصك المفتوح..!
ولا أنا العاشقة….
اللى كان عشقك…
ف قارورة عطرها بيفوح..!
فاجئتنى رجولتك الباكية..
وعزة نفسك الشاكية..
فاجئنى كيانك المشروخ…
وشوفت…
رجولتك المدبوحة بين إيدها ..
لعنت الدابحة والمدبوح…
ولعنت القلب ..اللى كان نبضك
جوّه منه الروح…!
ودبحت قطتى فيّا…
عشان متعودش تتمسّح ..
على صدر قميصك المفتوح..!!

Advertisements
التصنيفات :شعر
اترك رد