حبة تفاصيل

36844535_850212498509533_3669169502748147712_n

محمود صلاح

حياتنا معجونة
بحبة تفاصيل
ممكن تكون
جوه العيون دليل 
وممكن تكون
جوه القلوب متكمرة
عايشين حياتنا زى ورق
ايامنا فيه متسطرة
منقوشه برعش جوفنا
مفروشة بنبض خوفنا
عايشين نقاسى ظرفنا
و حاجات كتير متسمرة
والسنين رافعين رايتها
ماشين على راحتها
كاننا عايشين فى بيتها
او كأننا عايشين
فى مستعمرة
تفاصيل لعيون
تشوفها بيضا لكن
جوه السواد عروق
فوق الاه متحمرة
شاربه البكا بعنيها.
بتحس بكل اللى حواليها
تبكى لو قط جاع
محتاج لعطف ايديها
وتصعب عليها حال الناس
اللى على بعض متكبرة
تفاصيل بس لطفلة صغيرة
ماتت امها والاب راح عنها
لسه بتنادى محتاجة
قلوب متغيرة
تفاصيل لكن
مش ماشية بمسطرة
زى الكواليس
اللى ورا الستار
صورة تانيه متشفرة
تفاصيل لواحد عاشق
لكنه غلبان
مش قادر يفارق
ويعيش كخبر كان
وتبقى حببته بعيد عنه
ومن غيره متخدرة
تفاصيل لاب شقيان
وام عايشه بالقنطرة
تفاصيل لواحد م الهم
شبعان
وحياته مش متيسرة
تفاصيل
جوه القلوب كأنها
عالم كبير
لا تنحكى بحبة سطور
او بحبة كلام تاهت منه
الحروف
وبين الظروف متخمرة

Advertisements


التصنيفات :شعر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: