ساعات يأسي

 

Image may contain: 2 people, people standing

مرفت موافي

ديوان صرخة روح

ساعات يأسي
يخليني
بلا احساس

عايز الناس 
لا مش عايز

عشان ضميري
ماهوش فايز
في وسط الناس

مادام الناس
بقت عايشة
بدون اخلاص
ولا احساس
ولا عارفة
انه رب الكون
قادر يهدمها
فوق الراس

لكن ساعات الوحدة

بتموت حاجات فيا

لا طاقة نور فعنيا

ولا رحمة حواليا

ولا اخرة ولا دنيا

خسرت الناس

فبتالم

اجري عليهم بالمشوار

الاقي الجرح بيعلم
بماية نار

فارجع تاني اتندم

واخسر ناس

واقفل علي روحي
بميت ترباس

الاقي العيشة
بقت ميته

وملك الموت
عازمني

لا بيخلص ولا يسيبني

وحزن كبير ملازمني

سجين اسوار مأزمني

غدر الناس

وتتكرر مشاهد ليا ولغيري
وانا العساس فعيونهم
علي نظرة تطمني

ناس غاوية تآلمني

وناس طمعانة ف خيري
وصفعة الم تعلمني
وصوت ضميري يكلمني

مالها الوحدة بعذابها
مش ارحم من كل الناس

ويقابلوني بميت ضحكة

وقبل ما اقوم من الدكة

صفار الضحكة يتنهد
وينفخ سم

مش صابرين
علي الضحكة
تروح للدم

فيتروق

وياخد من الحنان حبة

ويتزوق

شاخت بسمة مرسومة
وكانت شابة بتفوق

وناس تتداري وري القبة
وتأوأ
لاهم شعرا ولا كتبة
ولاتجار بوتيكات

لابسة بدل وكرافتات

وري لافتات

بتجني مصالح يامة

وتسيب وراها فتات

وناس عايشة

لكن بايشة

وعالهامش

عدد واغش

وصور مدهونة بالضحكة

وبتداري وراها هموم

مانيش عارف انا بينهم

بقيت محمود ولا مذموم

كرهت الناس

بحب الناس

انا نفسي

ساعات يأسي

يخليني بلا احساس

Advertisements


التصنيفات :شعر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: