محمود صلاح
لما صورتك تبقى ضى
والقمر كأنه حى
والكلام معسول ف شاى
والزمان شايل طبله وناى
يبقى ايه
يبقى حب لسه جاى
*****************
لما ايدك مع الخدود
زى نسمة ويا الورود
والعيون مرسومة سوود
والسلام سكر معقود
يبقى ايه
يبقى حب عدى الحدود
******************
لما ضحكة بين شفايفك
والقمر لحسابه ضايفك
والزمن واقف فى صفك
والحنين بحر فى ماصيفك
يبقى ايه
يبقى حب ف القلب شايفك
********************
لما خيط كان قصير
شده نفسه وراح يغير
والسكوت اصبح يحير
نبض قلب زايد وبيتطور
يبقى ايه
يبقى حب سبحانه المصور
*****************
لما الفرح شد الشريط
والدموع نزلت غاويط
والايام شابكة في خيط
والحياة صورة فى حيط
يبقى ايه
يبقى حب بستان فى غيط
******************
لما صورتك تبقى ضى
والقمر كأنه حى
والكلام معسول ف شاى
والزمان شايل طبله وناى
يبقى ايه
يبقى حب لسه جاى
التصنيفات :Uncategorized, شعر
اترك رد