انا باسكت وانا بتألم

 

Image may contain: 1 person, sitting

سميرة محمودي

انا باسكت وانا بتألم
وكمان مقدرش اتكلم
انا جرحي ملجم اي كلام
في الروح والقلب معلم

علي الخد كلام محتار
اسرار بتشيل اسرار
وزرعت الورد سقيت الورد
لكنه طرح صبار

وياريتنى اصرخ بالأه
وعذابى اللي انا حساه
وياريتني كمان حسيت بامان
من خوفي اللي انا عايشاه

انا شلت الهم سنين
غربة واحزان وانين
انا جاية منين
انا رايحة لفين انا تايهة
مع التايهين

باشتاق للدنيا زمان .
واسمع ليل السهران
بينادى الحب يكون وياه
من غير لف ودوران

م الدنيا انا خدت دروس
م الفتنة ونخز السوس
من لعبة روح بتهين الروح
وتبيعها باى فلوس

ياني منى وم الاحلام
وخدانى سنين قدام
والعمر بيجري مع الايام
واتحول حلمه كابوس

انا أيه وعذابي دا إيه
قاسي ومتحكم ليه
بدموع القلب وسهد العين
وياريتني صعبت عليه

ويا جرح كفاية آلام
دىالروح محتاجة سلام
محتاجة تعيش والحزن مافيش
لو حتي تعيش اوهام

Advertisements


التصنيفات :شعر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: