ياوطن ياجريح

40658720_850195375104922_9215473196860440576_n

نجاح حسنين محمد

يا وطن ياجريح
جرحك غالي عليا يا وطن
ياللي بتقاسي من المرار والمحن
باعوك فى سوق النخاسة بأرخص تمن
الجرح جرحي ولساني جوا حلقي اتسجن

وبحلم في يوم النبض يكون عربي
كل دقة قلب تقول للتانيةسلامتك يا قلبي
يا جاري يا حبيبي كسر حدودك واسكن جنبي
جرحك مش بايدي ذنب حكامك مش ذنبي

طال شوقي ليك ياغصن زتون
قلبي جريح مليان جنون
يا وطني العربي يابو العلوم والفنون
يا اللي كنت للعالم منارة وقلب وعيون

يا غصن زتون بحلم يشيلك طفل بينطق عربي
من مصر لسوريا لليمن للعراق معاك قلبي
والقدس الحزينة بتنده علينا والشكوى لربي
الصهاينة مزقوا حشايا والروح جوايا بتعوي

من شرقك لغربك أب حزين يبكي على وﻻده
وبيته جنته راحت يا دواعش هي وبلاده
وبقى الوطن لقمة طرية والمر زاده وزواده
فوقوا يا أولي الأمر دا الوطن مجروح فؤاده

يا ليل يا طويل انجلي بقا وروح
وسيب براءة وﻻدي فى الهنا تسبح
واقتل كلاب البراري اللي فى دروبك بتنبح
ويا فجر يا جميل تعال وعلى عيوننا صبح

نفسي أتوضى من النيل والفرات واصلي فى الحرم
نفسي ألف ربوعك واطبطب على كل قلب انظلم
وأبوس راس أم الشهيد وكل طفل من أبوه انحرم
نفسي أبني ألف مسجد وكنيسة ومسلة وهرم

فين فتوحاتك ياوطن يابو الشجعان الكرام
وبس ليه ليلك طويل وسابح فى سواد الأحلام
هاتلي يم على جناح الحمام
من كل بلد عربي تحرسها عينك يارب اللي مابتنام

No automatic alt text available.

 

Advertisements


التصنيفات :شعر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: