قصة قصيرة – موج البحر

17523181_1353526608072310_6063590146683784420_n

عزة حزين 

يابحر جيت لك
أبوح لك بأسراري
أفضفض علي شطك
أشكيلك همي وسوء حالي
حبيبي وبحبه
جاني لغاية باب دارى
شافني علي رملك
بأدارى حسني وجمالي
كلم أبويا وأخويا
و راح خطبني وخدني
من بيت أمي وخالي
دفع مهرى وبقينا
أسرة من نظرة وأهالي
زماننا علينا بحلوه مر
عيشناه حقيقة أجمل م الخيال
بحار وعايم ف بحرك
سهران نهاره و ليالي
يقلب ف رزقه
مراكبي راكب علي موجك العالي
غاب عني ووحشني
وانا طالبه قربه من تاني
صياد بشبكة
شبك قلبي وشال همي
وشغللي بالي
مشتقاله ياموج
وأنا اللي قلبي كان خالي
وعدني ووعده
كان لروحي و عقلي ودلالي
صورته ف عينيا
بيشبك إيديه ف إيدايا
بيقدملي لآلئ بتلالي
عقد لولي لرقبتي
وف رجلي صدفة خلخالي

ياموجة شقية معدية
بتداعبي مراكبي عليا غالي
إبقي حني عليه شوية
وإهدي لأجل مايجدف ويعدي
صوتي ياموج ياتري وصلك
وانت سامعني.. ؟
بنادي عليه أصله
ما رديش يودعني
فضفض معايا ياموج
إنت اللي فاهمني
ووصل غرامي ياموج
للي علي بالي وواحشني
وفكره ياموج إني منتظراه يفرحني
وقوله إمتي ببسمته حيرجعلي ؟
ياترى هو كمان سامعني ؟
أياك تحرمني وبهدوءك تلاوعني
بقالي ساعات علي شطك
وروحي معاه ما فارفتني
حبيبي وبحبه وهو كمان عاشقني
ووعده لروحي أنه عمره ماحيسبني
أنا قمره وهو شمسي وضللي
يانسمة الهوا وإنتي معدية
سمعتيه قال انه حيهجرني. ؟
يانجمة ف العالي بصة عليا وشيفاني
دليه علي شوقي وعرفيه لعنواني
لبعده زادت لهفتي
وقدر عليا زماني وبكاني
البحر شمتان فيا
وضحكته عالية ووصلاني
ورنة صداها بتصد ف وداني
دموعي سالت علي خدي
وانتي ياموجة لسة عصياني
هو أنتي اللي بعداه عني
يعني شيفاني وذلاني
رديه عليا و خللي فرحتي
ترجعلي من تاني
ياترى ياموجة مستوعبة
أني بأعاني
واللا اعيده عليكي من تاني تاني
ياتري ياموجة هو سامع نداااي
ياتري ياموجة
دا انتي
اللي حسه بيا ردي عليا
أنا سمعاكي وأنتي شيفاني….

Image may contain: one or more people and outdoor
Advertisements


التصنيفات :روايات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: