مسافر تحت المطر – الجزء الثالث

 

Image may contain: 1 person, close-up
سامح ابو مصطفي
وصل سامى الى ورشة اصلاح اطارات السيارت فوجدها مغلقه وعلى جانبها غرفه مفتوحه بدون باب ولا سقف فدخل فيها ووجد قطعة مشمع فى الارض تغطى بها وجلس
البرد كان شديد وملابسه مبتله وغلبه النعاس ولكنه قاومه خاف ان ينام فلا يصحو مره ثانيه واخذ يدعو الله ..
سامى .. يارب دفينى يارب انا جعان وبردان يارب اعمل ايه انت قادر على كل شئ
يارب معقول دى نهايتى طيب ليه ما موتش مع ابويا وامى يارب دفينى بدفئك .
وهنا دخلت قطه الحجره قطه بيضاء كبيرة الحجم ذات عينان تلمعان فى الظلام اقتربت القطه من سامي .
سامى .. الله قطه جميله قوى ياعينى عليكى انتى كمان بردانه تعالى فى حضنى
رفع سامى قطعة المشمع فدخلت القطه فى احضان سامى وهنا احس بالدفأ ونام .
اشرقت الشمس واتى الصباح وفتح سامى عينيه ليجد رجلا قصيرا سمينا يحمل فى يده مطرقه وينظر فى عينين سامى .
سامى .. ايه ده فين القطه ؟؟
الرجل السمين .. قطه قطة ايه يا واد ؟؟
انت مين اصلا انت حرامى ؟؟
سامى .. لا انا سامى .
ترك الرجل المطرقه من يده ومدها الى يد سامى فنهض سامى معه واخذه وادخله المحل
الرجل السمين .. سامى اقعد هنا على الكنبه دي واستريح انا بقه عامل براد شاي نشربوه سوا كمان جايب عيش تعالى نسقيه فى الشاى .
سامي .. ياريت ياعمي انا ما اكلتش ولا شربت من امبارح .
احضر الرجل الشاي والخبز الى سامي واكلا وشربا الى ان شبعا .
الرجل السمين ..
بص يا سامى انا فاضى دلوقتى ما عنديش شغل وعايزك تحكي لي حكايتك يمكن اقدر اساعدك .
حكى سامي حكايته والرجل يستمع له ولا يقاطعه الى ان وصل الى حكايته مع القطه فجحظت عينان الرجل واوقف سامى ..
الرجل السمين .. باقولك ايه اوعه تحكي حكاية القطه دى لحد .. قطه بيضا وعينها جميله ها لا اوعه تحكى لحد اسمع ياسامى فى حاجات كده خير بتيجى من عند ربنا لو حكيتها ممكن تتحسد ويروح الخير ده منك .
سامى .. حاضر يا عمى مش حاحكي ..
الرجل السمين .. على فكره اسكندريه على بعد ساعه من هنا واول عربيه حتيجي هنا رايحه اسكندريه حركبك معاها ,
وفعلا اتت سياره نص نقل ووقفت امام الورشه وطلب من الرجل زيادة هواء لاحد اطارات السياره ..
سامى لصاحب السياره .. عمى نازل اسكندريه ..
السائق .. ايون انا رايح اسبورتنج معايه بضاعه حنزلها لقهوه فى الدوران .
الرجل السمين طيب خده معاك وخلى بالك منه ده قريبي .
السائق من عيونى حاضر .
وركب سامى مع السائق وذهبا …
يتبع ..
Advertisements


التصنيفات :Uncategorized, روايات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: