قصة قصيرة – قصة غرام قيس وليلي “النسخة الشعبية”

17523181_1353526608072310_6063590146683784420_n

عزة حزين

من بعيد جاي فارس خيال علي فرسته ونازل من اعالي جبال قاصد مكان حبيبته وبيتحدي المحال وهي شغلاله الخاطر والبال
وهو علي طبيعته
أم العيون السود صاحبة الجمال
وصعبة المنال ومزودة حيرته
لكن عمه اللي بيهابه ويحترمه
اقفشه لما قرب م الخيمة ام حبال
ووجهله اتهام وسأله يجي ميت سؤال
العم : أقيس أري ؟؟
تمتطي جوادك ووتتسابق مع حبات الثري.!!
(النسخة الشعبية لقيس وليلي)

الاب : واللا ياقيس
قيس : أيوة ياعمي
الأب : ايه اللي جابك عندنا
تعالي هنا قرب
أنا شايفك بتحوم حولين خيمتنا والبيت
قيس: لا ياعمي مقدرشي
ولا عمري مرة إستجريت
العم : أمال محتار كدااا ليه؟؟
ولغاية عندنا أنت جيت
وسايب دارك وركبت حصانك وهجيت
وبتلف بالفرسة وعمالة تصهلل
فرحانة بوجودها وبتتنطط تنطيط
ومن صهيلها عرفنا وجودك وإنك هليت
قيس: ااقولك الحق ياعمي
العم: قول ياقيس
وماتخابيش حاجة عني ياريت
قيس : أنا لما لمحتك خارج من خيمتك
جريت بالفرسة وورا النخل استخبيت
مااقدرتش
أحوش نفسي عن بنت عمي أصل أنا حبيت
العم: بتقول أيه بتقول أيه؟
أصل أنا….. أصل أنا……..
ل ليلي عشقت وهويت
حبيتها أيوة أنا حبيتها وباكتب فيها الشعر
يجي كام مليون ودشليون قافية و بيت
وبيها حلمت وانها تكون ف عصمتي
أنا لها ياعمي إتمنيت
أنا من عشقها عميت

العم: أللا تستحي ياقيس!!!!!
وبتقولها ف وشي ياقيس!!!!
باين عليك خلااااص إتجنيت
إنت ماتعرفشي أنا حأعمل فيك إيه دلوقت ؟؟؟؟
أنا حأعلقك علي جذع النخلة
وأخللي وشك شوارع وقفاك ف الحيط
قيس: علي فكرة بنتك
هي اللي عزمتني علي غدواية
وأنا من فرحتي ولهفتي عليها لبيت
بس بعد زغرتك ليا وبهدلتك
واللا تكشيرتك لسحنتك
اللي تقطع الخميرة م البيت
أنا كدااا خلاص إتغديت
وياريتني ما قطعت كل المسافات دي
ولا كنت ف ميعادي جيت
العم : ( الغم)
أيه دااا أنا شايف دموعك
للدرجااا دي إنت مني إتغميت!!!!!
….. لحظة ندم واحساس
لا لا يابني مايخلصنيش زعلك
تعالا تعالاااا
أربط الفرسة دااحنا قبيلة مشهورة بالكرم والجود بالموجود
ان شالله طماطماية وم الفجل عود
ولازم أبقي معاك عمك الكبير الودود
وأي وليمة لازم تكون معانا وموجود
وضيافتك عندنا أكيد لها مردود
قيس: لا خلاص ياعمي
أنا للرجوع نويت وللترحال شديت
داانت م الزفت والطين علي دماغي حطيت

العم: بلاش بقااا قمص وتلاكيك
أنت من دمي ولحمي بقيت
صعبت عليا لما شوفت دمعك بكيت
واتراجعت وراجعت نفسي وهديت
لما عرفت نيتك وانك للعشيرة أشتريت
دا أم ليلي عملالك مع الشاي شوكليت كيك
قيس : بجد ياعمي ؟؟؟
وياريت كمان ادوق من إيديها
الحلويين صوابع البسكويت
ياللا ياللا مادام ع الخير إنت نويت
قيس: أيوااا لله أنا إستخرت ربنا وصليت
وجاي أطلب إيد بنتك النهاردة لو حبيت
أنا اإبن عمها وأولااا بها
وبأميل لها ولجمال قدها أنا بيها رضيت
العم : علي خيرة الله يبقي بعد الغدااا
وقت العصارى ف وجود الاهل تتقدم
هي دي أصول العشيرة والاتيكيت
العم : ف الخلاا بينده علي بنته العروسة
ياليلي يااااليلي
هللي عليناااا
….. لها بقية

Image may contain: plant, mountain, sky, outdoor and nature
No automatic alt text available.
Advertisements


التصنيفات :شعر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: