الست أزهار وفك الأسحار – الجزء الرابع والأخير

17523181_1353526608072310_6063590146683784420_n

عزة حزين

وتبتدي ساعتها الأسئلة
وتقنعك بقدرتها بسلامتها
وتتعرف ع الزبونة الميمونة
اللي جتلها برجليها لحد باب بيتها
وتسألها عن رغبتها اللي إتمنتها
قبل ماتطلب طلبات تخرب بيها بيتها
والبنوتة توافق بسلامة نيتها
عشان تحقق أمنيتها
وبلطافة
بتسلتها من إيديها الغوايش الدهب
ع العقد اللي بيلمع ف رقبتها
ولو فيه يبقي الأساور أم فصوص عجب
ع الصيغة الباقية الحيلة
تقلعها من غير شتيمة وبكل أدب
تقنعها إنها مكشوف عنها الحجاب
وإنها بعد كام مرة تزورها ف قعدتها
وبعد عشرين يوم حتفك عقدتها
وبعدها حتلبس……… شبكتها
وتتستت وتبقي ملكة ف جنتها
وتوعدها إن حياتها حتبقي عنب
بتكدب عليها و عمالة تكيلها ف ذونب
المسكينة تصدق وترق
وتسلم أمرها للمرأءة الذئب
أو تعزمها ع قهوة ف فنجال
وتسرح بيها ف جو خيااال
بعدها تكفي الطبق ع الفنجال
وتدقق ف خطوط بالعرض والطول
وتقووول
بختك حيبقي تمام
أهه انا شيفاكي ف الفستان
حتطلي بالطرحة التلي
وحتبقي فيه غصن لبان
والورد بوكيه أبيض م البستان
وفيه أيام عسل حتقضيها مع عريسك ف لبنان
هههه أكمل وأقوول كمان
داري علي شمعتك
يأم الخدود رمان
دانتي نورتي المكان
سيبي فلوسك تحت الحساب
حاعملك حجاب تنسي معاه ألوان العذاب
مع السلامة وأحستناكي
وخدي ف إيديك ووراكي أوكرة الباب

إستني لو طلبك ماإنقضاش
ما تزعليش
حانحاول تاني ماتيأسيش
ودي ليستة liste لو أتحقق مرادك
نفذيها ماتنسيش
بنقبل هدايا بدل البقشيش
ودي طلبات حسب الحالات
ويجيي معاها لفة مغات بالمكسرات
أوعي تفتكري إن داا هزار
من غيره حتبقي رهينة
ف أوضة ضالمة من غير شيش
( عايزة تقولها ف سرها ماتستهبليش)
ملحوظة: للتسهيل ممكن التبديل
1-لطرد الحموات صنية بقلاوة بالفستق
ومعاهم إزازتين شربات.
2-لفك السحر شروة سمك طالع م البحر
3-لجلب الحبيب طبق مهلبية بالزبيب
4-لفك الأسحار ورقة لحمة بالخضار
5-لفك الكسل برطمان إكس لارج عسل
6-لفك النحس تلاتة كيلو مانجة فص
7-لقراية الطالع أنجر فتة بالكوارع
8-لفك العنوسة صنية هريسة علي بسبوسة
9-لفك الإكتئاب بإتنين كيلو كفتة علي كباب
10-لفك الفتور تلاتة كيلو مشكل بتي فور
11-لفك كيد النسا صنية كنافة بالسمن مبسبسة
12-لجلب المحبوب علبيتين سمن البقرة الحلوب

دي إقتراحات الست أزهار بجانب المصاريف بالجنيه او الدولارات و بدل تكاليف حفلات الزار قررت ماهو آت
قصدي ماهو فات
والزعل مرفوع والشكك ممنوع والرزق ع الله

تمت
Image may contain: one or more people and baby

Advertisements


التصنيفات :Uncategorized, ادب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: