قصة قصيرة – الست أزهار وفك الأسحار

17523181_1353526608072310_6063590146683784420_n

عزة حزين

الجزء الثاني

الست أزهار تقطن بيت قديم
ف حي مليئ بدكاكين التجار
والحي كله نشاط وحيوية
شغال بالحلال ليل نهار
المنطقة ونسة وزباينها كتار
الست أزهار
مشهورة ف حتتها بحنكتها
ف فك الأسحار
وملهاش ف الخراب ولا الدمار
ولا اللي رايد الحقد ولا لها ف سكة الأشرار
تحب تشرب القهوة من إيدها
وتتابع سر قرايتها للتنوة بعد قلبتها
حتقول لي دااا حراام
هي بعد مابترمي بالكلااام
بتقول سبحانه هو وحده بالغيوب علام
الكل عارف انها تسلية و تضييع وقت
كأنها رؤي ف المنام أو أحلام
يعني بتقرا الطالع ف الوقت الضايع
مجرد تسلية لوقت فراغ
جنب بيتها ع الناصية أشجار
مكتوب علي إحداها بقلم حفار
أقصي عدد للحضور فردين
وممنوع الكلام ف السياسة أو الدين

تخبط علي بابها بعد ماتدخل ف ممر
وتروح حاود شمال ف يمين
وقبل ماتفتح لك بتسألك
حضرتك جاي لمين؟؟
جاوب وقول جاي لست العارفين
فتسألك تاني أسئلة الملكين
مين دلك عليا ومن طرف مين؟؟؟؟
تجاوب وتقول كلمة السر
عايز طريقة أخلص بيها م المر
ولو ماقولتش العبارة
من لوحدك إمشي للخلف در
وتكمل
عايز أحقق حلمي اللي بقي مسحور
وتخلصيني من اللي رماني ف سكة الشرور
ساعتها حتستقبلك بالترحيب والكرم الموفور
وتفتح لك بوابة حتقولي كدابة
الحجرة واسعة كبيرة بتشع نور
وحتقعد علي دكة وقدامك ترابيزة عليها طبق بنور
بيلف ويدور مرصع بفصوص
علي شكل أقمار ونجوم
مجرور بفرسة وعربة حنطور
الفرسة تصهلل للفرح أما ف الحزن ترفس وتفور
العربة الحنطور بتشع ألوان بتبان فوسفور
جنبها قصعة واسعة
مليانة ورد مجفف مبدور ع بخور
بريحة القرنفل والفل
وبلون وطعم البونبون
اللي ف السيلوفان ملفوف
طالع دخان ألوان بيتمايل
يرقص ويملا المكان
مافيش ضوضاء ولا حركة كله سكون ف سكون
وكأنك عايش ف قصر الملك المجنون
عينيك تزغلل ودماغك تلف وأعصابك تخون
تحاول تهرب من خوفك
لكن بتتمالك و تصحصح وتكون
تقنع نفسك إنك قوي وحاضر مش شارب خمور
وإنك للأحداث مدرك وشغوف ومش مخنوق
وإن اللي حوليك دا مش دخان
دا نسيم معطر بروايح الياسمين وأندر الزهور
والست أزهار تنظر اليك بإنبهار
وتنتظر ان تحكي لها وتسمع الأخبار
أسرارك ف بير حأسمعك لوحدي
ماانتاش ف سوق
…………………….. .
لها بقية سيكون الجزء الثالث
#الست أزهار وفك الأسحار
#الجزء الثاني
بقلمي عزة حزين

Image may contain: 1 person, baby
Advertisements


التصنيفات :ادب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: