حوارات علي قصاصات الوريقات – قصة قصيرة

17523181_1353526608072310_6063590146683784420_n

عزة حزين

ياتري الأسواق؟؟
حتبقي جزء م التراث 
ومن قدم وبدائيات الزمان
وإن اللي الجاي حيتباع ف أكياس
مغلقة ومغلفة بالسوليفان
وسوبر ماركتات والحاجة متعلقة ف أركان
كل الأنواع متقسمة علي أقسام
مش عارفة بس كله حيبااان
لما سألت نفسي السؤال
حبيت أدون حوارات متعادة ومعتادة
حفظتها من زمان وبتكرر ف نفس المكان
قبل ما توحشنا وتندثر مع مرور الأيام
وحتبقي حواديت وحكايات
يحكيها الجدود و علي الأخص الجدات
لأجيال حيعيشوا زمان الآيباد
ماسمعوش عنها جمل ف الأسواق كانت بتتقال
للرجالة علي السواء أو الستات
ماتمديش إيديك حأحطلك ع الميزان
مافيش نقاوة ولا تبديل ولا خد دي وهات
البضاعة بقت allready متعبية
وكمان مش طازة لكن كلها مجمدات
وعليها الوزن مدون والسعر كمان
يعني مافيش فصال ومناهدة ونهجان
ولاغش يطبب بيه لمصلحته الميزان
والدفع كاش بكارت بالفلوس مليان
والكروت حسب العملة أشكال و ألوان
مافيش باقي قروش
ولافلوس ورقية مقطعة ومبهدلة
وكنت تبقي ماسكها وإنت ياعيني قرفان
أصلها كانت متداولة من إيد سماك لإيد سباك
ومن إيد زبال لإيد بقال
اللي شغال وبيغرف ف الأجبان والألبان
ويقولك النظافة ياعم م الإيمان

المهم حأبدأ اوصف ف الأسواق
وحأبتدي بوصف دكان العطار
وتجارة العطارة من قديم الزمان
كانت تتحمل ف أجولة علي ظهور جمال
وتتنقل م الصحرا علي مراحل في قوافل
بكميات وأطنان تشق طريقها
وسط الرمال بين طرق ف جبال
أما ف الماركت بتلقيها ف عبوات شربات
متناهية الصغر بالجرام وساعات بالحبات
وكأن الأكياس فارغة وفيها فتافيت ورفات
تجارها أصبحوا مليونيرات
من أصحاب الملايين
بدأ تاجر صغير و عبد فقير لايجد ما يقتات
وسبحان العاطي الوهاب
تجارة عطارة وأعشاب
نباتات تزهر منها اللي بيتزرع فدادين
ومنها ف الطبيعة بين الصخور والجبال
او م البحر و كمان بالحفر ف الرمال
يصنع من أغلبها البهارات والأكلات والشراب
وإضافة للنكهات والياميش والمكسرات
وأيضا الدواء من كل داء
ومنها ماذكر ف القرآن للشفاء

Image may contain: one or more people, people riding horses and outdoor
Advertisements


التصنيفات :ادب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: