العيب فى مين؟

48411843_2261750660561951_9042170312984100864_n

بقلم /د. علاء البسيوني

ليه السعادة في دنيتى جايه تشطب؟
ولسه فى رحلتى ناس عايزاني اغضب؟
خفى عليا يادنيا مش باقى ليا غير دموع
وياريتها باقيه فى عنيا دى ناويه تهرب
وسألت نفسي
ليه السعادة جويا مش بتدوم؟
ليه تملى انا دايما منها محروم؟
ليه لما توصل عندى
عمرها قصير؟
يدوب بشم ريحها وفى ثانيه يتغير
ليه الزمن ضانن عليا بالفرحة طول السنين ؟
ليه حواليا طيور جارحة
مش بنى ادمين؟
وسألت نفسي بحرقة ..العيب في مين ؟
ياترى فيا انا ولا فى مين؟
انا إللى كنت دايما بشيل فى همهم وستْرى
عليهم حاميهم من عيون المتربصين
انا الجدع إللى دايما واقف جنبهم من غير وجع
انا ابن الأم الطيبة إللى ربت فيا انك يابنى لو حد شوفته فى محنه
مد ايدك اسنده
خليك دايما معاه حامى حماه ولا يوم تفكر تسيبه أو تهمله
قسم بينك وبينه لقمتك
ولو يوم فى جيبك جنيه بس نصصه
دى الجدعنه يبنى ملهاش تمن
واوع تخون وخليك دايما مؤتمن
وإن جارت عليك الدنيا فى يوم أذكر ربنا
هو إللى عنده العفو والأجر والمغفرة
ده إللى ربتنى عليه امى اللى كانت تخاف ربها
ربتنى على المبادئ والقيم ازاى اخيب ظنها
مشيت على تربية امى ونهجها
لكن ازاى يعيش الابن إللى تربى في حجرها
على دة عيب ومايصحش والعمْله دى ليه تشيل انت ذنبها
وبكيت من الحرقة لما صدمتنى دنيا البشر من بعدها
لما لاقيت ان المبادئ إللى اتعلمتها
بقت خرافات فى دنيا المصالح
لما لاقيت ان الخيانة طبع سايد فى إللى حواليا من بشر
ناس بتفكر بس فى الخداع وبتنهش فى اللحم بشراسة مايهمهاش صرخة الاوجاع
الكل باع مبادئ ايه يا عم فى زمن الكل ضاع
ورجعت سألت نفسي
ليه بقينا كدة فى زمن الضياع؟
العيب فى مين العيب فيا ولا فى زمن المخنسين؟
وفى آخر المشوار مالقيتش لسؤالى جواب
لميت همومى جوه نفسي وانكمشت وملت عنيا دموع الضباب
ايوه ضباب ياعينى على الولد اللى لما كان فى مرحلة الشباب
كان أسد مغوار لايهمه فى يوم الزمن يجور عليه
ولا طعنة بشر من الخلف تجور عليه واقف على رجليه وتد
وسط العواصف أبدا ماتحنيه
اليوم طاله المشيب وأصبح من الشياب
وحيد بينعى حظه
ما حد يدق عليه الباب
فين راحوا إللى كان بيقف جنبهم
فين إللى كان هو سندهم وصلبهم
اتبخروا قدام عنيه
أشباح أطياف كأنهم
لاكانوا ولا شال فى يوم همهم
ورجع من تانى يسأل العيب في مين
من غير جواب يسمعه
والقلب جواه بات حزين…..

Image may contain: one or more people, ocean, sky, outdoor and water

Advertisements


التصنيفات :مقالات واراء

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: