مسافر تحت المطر – الجزء الرابع

 

Image may contain: 1 person, close-up
 سامح ابو مصطفي 
وفى طريق الذهاب الى الاسكندريه طلب سائق النصف نقل من سامي ان يحكى له سبب ذهابه الى الاسكندريه فحكى له ان بعد فقده لابويه سيلجأ الي عمته بدوران اسبورتنج وانه لا يعلم فى اي عماره تقطن ولكن السائق افهمه ان من الصعب الوصول الي عمته وعليه بالصبر والبحث عنها وان يدعو الله ان يجمعه بها .
ووعده ان يتوسط عند صاحب القهوه ان يوفر له عملا عنده والقهوه فى الدوران ليسهل عليه البحث عن عمته ..
وصلت السياره الى القهوه ونزل السائق وسامى من السياره ..
السائق .. يالا ياسامى نزل الكراتين من العربيه ودخلها القهوه وخلى بالك دى شيش ازاز اوعه تكسر حاجه منهم ..
وبالفعل وبعنايه انزل سامى الكراتين وادخلهم حجرة بالقهوه وكان يقف مراقبا رجلا فى الخمسينات نحيف وقصير هو صاحب القهوه .
تكلم السائق مع صاحب القهوه ثم نادى علي سامى
السائق .. سامى سلم علي عمك صاحب القهوه الحاج عبده النجم هو وافق حيشغلك عنده وانا حمشي دلوقتى وحبقه اطمن عليك ها عايز حاجه يالا سلام .
ذهب السائق وترك سامى امام الحاج عبده النجم .
سامى .. حاج عبده انا بصراحه ما اعرفش اعمل قهوه ولا شاي انا حشتغل ايه ؟؟
حاج عبده … لا يا بني انا عارف طبعا بص انا حوفر عليك الاسأله انت حتدخل قوضة الشيش وعندك حوض جوه حتاخد الشيش تفضى مايتها وتغسلها وتملاها مايه تاني وحتنام هنا تحت البنك بتاع الرماله وحبقي اقفل عليك باب القهوه وافتح عليك الصبح اكلك وشوربك عليا وكمان حديك كل جمعه عشره جنيه يالا يا سامى روح وابدأ الشغل .
سامى لم يكن لديه اي خيار الا ان يقبل الوظيفه فشكر صاحب القهوه وذهب الي العمل ..
بدأ سامى فى تنضيف الشيش وصاحب القهوه يراقب من قرب سامي .
حاج عبده .. براوه عليك يا اوسته سامى شغل على مايه بيضا ولا اقولك يا هندسه .
سامى .. لا يا حاج مشيها اوسته وخلي هندسه دى بعدين .
حاج عبده .. هى عمتك اسمها ايه ؟
سامى .. اسمها ساميه الحاجه ساميه وعندها بنت اسمها فايزه ..
حاج عبده .. الحاجه ساميه طيب ما تخافش انا برضه من عندى حسأل واطقس ماعندكش صوره ليها ؟؟
سامى .. ياحاج انا ماعيش اي حاجه غيرمحفظه فيها بطاقتى الشخصيه وكرنيه الكليه ولاد الحلال جابوهم من الركام .
حاج عبده .. اعتبرنى ابوك وماتشيلش هم لحاجه ساعه كده وحابعت نجيب فول بالاوطه ههههههههه حلوه اوطه دى وناكلوا سوه ..
سامى .. قصدك يا حاج فول بالطماطم انت مصراوى ههههههههه .
وهنا يدخل شاب القهوه ويتجه الى حاج عبده .
الشاب .. مين ده يابا ؟؟
حاج عبده .. ده الموظف الجديد بتاع الشيش .
الشاب .. ايه يا با انت اى حد كده تشغله موش تسالنى الاول والراجل الي انا جايبه معايا ده عشان يشتغل اوديه فين ؟؟
يتبع 
Advertisements


التصنيفات :روايات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: