القهوة البلدى – قصة قصيرة

17523181_1353526608072310_6063590146683784420_n

عزة حزين

الجزء الاول
مقارنة ورؤية شخصية
بين القهوة البلدى والكافيه
القهوة البلدي وعدي ياوعدي
تطلب طلباتك وانت قاعد
او وانت معدي
تنادي ع الجرسون ياواااد ياحسين
بصقفة واحدة م الكفين
يرد عليك…. أيييوه نعميين
جايلك ياسي اللفندي من عينيا الاتنين
طلباتك إييه ؟ أأمرر يابيييه
– قوللي أنت عندكم إيه؟؟
– عندنا شاي قهوة نسكافيه
لاموناته سكر زيادة
نعناع يانسون جنزبيل مطحون
حلبسة شطة ولامون
حلبة قرفة سحلب ومغات
بليلة بالمكسرات
زبادي خلاط
فواكه ف كاس طبقات
– وإيه كمان تسليات ؟؟
– الشيشة تنزل مع الطلبات

دومينو شطرنج خود وهات
أما الطاولة للناس العتاولة
فاضيين وبيضيعوا وقتهم بالساعات
– جميل طب أسعاركم إيه ؟؟
– ماتقلقشي يابيه اللي تقول عليه
عموما الأسعار مكتوبة علي ورقة
وملزوقة ع الحيطوواحدة تانيه
اهيي متعلقة ف مسمار و مربوطة
بدوبارة وخيط
مكتوب فيها حق القعدة اتنين جنية زيادة ع الطلبات نظير للخدمة يابيه
ومن غيرهم خالص
حضرتك اللي تؤمر بيه

ف القهوة القعدة ف الشارع
تبقا شايف اللي رايح واللي راجع
ولثرثرة النسوان وضحكهم سامع
وتلاقي زيطة ودوشة
من صوت قشاط الطاولة
والناس العتاولة وشغل الفتوة
وبيعقد عليها الارزوقية والصنيعية
و اللي مستنيين يلاقو مقاولة

كانوا زمان يقعدو
يشربو قهوة ويلعبو طاولة
ويقرو الجرايد والشباب بالكوتشينة تتسلي
او يتقابلوا ويفكرو ف مشاريع واشغال
كله بيسعي لرزقه وراحة البال
وتيسير الحال باللقمة الحلال
ويستباركوا بالاتفاق
من اول طلعة الشمس بالنهار
او ببداية الشهر وظهور الهلال
ويطمنو بانها حتفرج وحتبقي عال العال
ف الشارع بيعدي عليهم الزبال
وبيسمع كل اللي بيتقال
ويعدي عليهم البياع الجوال اللي
شايل علي ضهره البضاعة ف شوال
بيعتبر زباين القهوة زباينه التقال
ويفتح ويعرض عليهم اللي علي كتفه
من احمال متكركبة ووكأنه تباع
وحسب الزبون والفصال
تلاقيه يشغل تليفون بالزمبلك لبابا جدو
يمكن يشترى لحفيده اللعبة وتتباع
وغيره بيبيع ساعات وأأقلام
الحبر فيها بيجرى وشغال
وبياع السميط والدقة
واقف ف الشارع علي روكنة
بيقول ف الكحك شعر وموال
عايز يبيع ويسترزق والرزق ع الخلاق
كل اللي معدي يعدي ويهدي
ويشترى منه كحك او شباك
لاجل شكله بالسمسم
وجمال لونه الوردي
قدام القهوة وع الناصية…….
لها بقية

Image may contain: 1 person, text
Advertisements


التصنيفات :شعر, علوم وتكنولوجيا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: