نيفين و محمود ف الكافيه فاست فوود- قصة قصيرة

Image may contain: one or more people and close-up

عزة حزين

الجزء الرابع
– ماقولتليش يامحمود اسم الكافيه ايه. ؟
– مش عايز ااقولك علي أسامي الكافيهات
إشي ياني وإشي كارلوس
تحسي إنك عايشة ف العصر الروماني
أيام الاسكندر الأكبر
وجارك يبقي أنطونيوس
وجارتك تبقا فينوس
أو انك عايشة أيام القيصر يوليوس
أو أيام اليونانيين وقلعة صلاح الدين
والرمي بالرماح ف موقعة حطين
– ههه بس الكافيه زباينه ياختي عليه
فيهم الباشا و فيهم البيه و كمان جروبات بنين وبنات
وفيه اهه مكان مخصص للعائلات
واو البنات لابسين كلهم سينيه signé
– أوعي تبصي لأي حد ليزعلوا منك
كل ترابيزة لها خصوصيتها
ممنوع نتكلم معاهم او عليهم نلسم
ولازم واحنا بناكل او بنشرب
نبقي سكتم بكتم و نبلم
والموسيقي هنا نغم و ريتمها هادي ينيم
-إلحق يامحمود قفلوا الكافيه بببان
لا حتسمع من برا أي صوت
لا صريخ و لا صويت حد ناوى يموت
– ولا حتلاقي قطط بتنونو جنب رجليك
ولا شحات من ورا ضهرك يفوت
– شوفت يامحمود المينيو بالصور 3D
ملون رسومات وف دوسيه محطوط
داغير انه مترجم لغات
ومكتوب فيه الوجبات
وكمان المتر دوتيل طلعوا بنات
لابسين زي موحد وحاطين بادجات
بيتكلموا فرانكو آراب زي بقية الشباب
– ايوة يانيفين
مافيش عندهم واحد سحلب
وواحدة ع الريحة للحاج دهب
والحاج فتيحة
ولا هات واحد شيشة ونزل حجرين للحاج وهيبة والواد عوضين
– يامحمود الكافيه مليان ولاد ذوات وهاي
– بصي ازاي قاعدين ومشغولين بالواي فاي – يااه من كتر ماهم مشغولين
بيتكلموا بالإشارة بايديهم اليمين
وأغلبهم لابسين نضارة ماركات جبارة
– سامع بتقول ان الظابط وقفها ف الكمين
وكلبشها مرة ف إشارة
– كل دا يانيفين عشان
تعرفنا انها مالكة لسيارة
– شكلها مش غريب عليا
آه افتكرتها دي البت الهبلة شيرين
شوفتها عند خالتي الخياطة ف الحارة
وقعدت تحلف ميت يمين
انها حتسدد تمن الفساتين
وانها حتسد ف يومين الدين
وطلعت كدابة ياخسارة
وقاعدة قصادي وببجاحة عين
رجل علي رجل
وف بوقها مطرطقة السيجارة
-يانيفين روحتي فين
خليكي معايا يا بت بحبك ياحمارة
هههه
……. لها بقية

Advertisements


التصنيفات :ادب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: