النهارده عيد ميلادى

36844535_850212498509533_3669169502748147712_n

محمود صلاح

النهارده عيد ميلادى
يعنى جابوا الف شمعه
وشالوا منهم 38
قالوا شمسك نارها ولعه
واللى جاى م العمر
شجره فارعه
عايشه معاك ليوم الدين
شوفت ضحكه
متغلفه بين اهات عماله بتئن
شوفت لمعه في العيون
علشان تطلع محتاجة اذن
شوفت نفسى فى الكتاب
حبر واقف فوق السطور
والقلم مكسور وغاب
ومش باقى فيه حتى سن
شوفت عمرى ذى حرف
او ذى فرع او ذى طرف
او ذى فعل كان وكإن
والنهاردة عيد ميلادى
يا بشر العمر مش بالسن
العمر ميزان
له الف شيله
والف كفه
تعيش لون بهتان
روحك تبقى عويله
و جوه منك بتتخفى
ولاتعيش انسان
حلمك يتوزن بالكيله
وعمره ما يتصفى
ماضى ده كان زمان
لناس بتموت بالبطئ
وناس بتتوفى
وحاضر لسه ما كان
مستنى دوره ع الضفه
وقلوب شباب ريحان
النبض فيها
جرس بيرن
النهاردة عيد ميلادى
يابشر العمر مش بالسن
العمر مش هدمه
بالسنين تنقاس
العمر لحظه او كلمة
من اعز الناس
العمر حاجه بتتحقق
كانت مجرد احساس
د الارض لو تجف بتشقق
وبالرجلين بتنداس
والقلب لو هيش
ما يتصدق
ولا يرجع تانى يحن
النهاردة عيد ميلادى
يابشر العمر مش بالسن
الورده علشان ما تدبل
يبقى حلمها ربيع
والدمعة لو م العين بتحبل
يبقى فرحها
خلاص بيضيع
والسنين لو هتتكلم وتسأل
كانت سألت ع الرضيع
د الحياة ياصحبى زى طفل
لو امه تبعد عنه
يفضل يزن
النهاردة عيد ميلادى
يابشر العمر مش بالسن

Advertisements


التصنيفات :شعر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: