قصة قصيرة – قصة فيلم الزوجة التانية

17523181_1353526608072310_6063590146683784420_n

عزة حزين

الجزء الأول
بطل القصة عمدة الكفر
واكل حق الغلابة بالسخرة والقهر
طماع ومهما هبش مش بيشبع
ولا لظلمه ف الغلابة يتردد او يخشع
ولا ف الحق يشهد أو يشفع
ضميره ميت وعامي ودانه
أطرش ولا بيسمع
بيسرق القوت واللقمة بكل جبروت وهمة
ولا يستسلم ولايندم ولا عن الباطل يفكر يرجع
طايح ف الكفر غش وسرقة وتزوير
وماشي قدام حرسه يؤمر ويتدلع
حتي مراته سارق فدادينها ويدينها
بإنها محققتلهوش مراده
نفسه ف الخلفة
وزهقان من عيشتها المرة وسنينها
وناوي ونيته بالمكر ينتقم منها
شارو عليه أهل الشر اسم الله عليه
من حبايبه اللي حوليه
أنه لازمله جوازة من صبية ولودة
ترد له شبابه مع الادوية اللي ف الازازة
الموجودة
عشان هناه وساعتها تحققله مناه
وتجيبله الوااد ويبقا العمدة وشيخ البلد
ويورث منه اللي هلبه ونهبه
إشي أطيان و إشي مواشي
لأجل مايكون سيد الكون والعزوة والسند
حليت الفكره ف دماغه
والشيطان كمل الخطة علي نسج خياله
وإفتكر إن الدنيا دايماله
وإختار فاطنة مرات أبو العلا
الفلاحة الحلوة المروشنة
وسمع ابو العلا بالخطة
وحاول الهروب بمرته من أأقرب سكة
لكن الحرس حلقوا عليه ومسكوه
وبالقوة ومن غير معافرة قيدوه
وباظ الهروب وش الفجر
ومعرفش يفلت م المكتوب ولا م الغدر
وهم العمدة وجاب المأذون
لأجل مايكتب علي فاطنة
وكأنه المشتاق ابو صدر حنون
وأجبر أبو العلا العمدة الملعون
إنه يطلق مرته
وإللا حيرميه رمية الكلاب
كأنه متهم مذنب من غير إبدأ الأسباب
ف السجون
وأبو العلا يحب علي يده
ويبكي زي المجنون
ويهطرس ويقول
ياناس مش معقووول
أطلق مراتي
دا مش م الدين ولا القانون
مافيش شرع يقول كدااا
إحنا فقرا اه لكن نعرف الأصول
انا ولادي كتيرة وامي ضريرة
وانا باصرف عليهم بالتيلة
ياناس دااني همومي تقيلة
لكن العمدة مصمم وداس علي كل المضمون
ومافيش ف باله غير ان كله يهون
لاجل مااخلف أكون أو لا أكون
ولا همه انها مرته وام عياله
وانها بترعي حماتها الضريرة
وماباليد حيلة
طب مين يطبخ لهم ع الكانون ؟
طب مين يغرف لهم ف الصحون؟
أبو العلا الغلباان وسط البلد إتهان
طهقان من ظلم العمدة السلطان
سيادته عايز يحقق غايته بغباوته
وقعد يبكي ويزوووم قدام المأذون
ومش قادر ينطق اليمين اللعين
وبعد التهديدات رمي اليمين
بنص لسان وهو حيموت ندمان
ولطم بأيديه علي صداغه
والود وده لو كانوا قطعوله لسانه
وفضل يولول علي حاله
………..
لها بقية

Image may contain: one or more people, people sitting and text
Advertisements


التصنيفات :ادب, روايات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: