محمود صلاح

اسمك
فى كل جملة
زى روح
بتدى الحروف
اجمل وأحلى كسوة
راسمك
ف كل تاء تأنيث
زى سلطانة
وأميرة
وسيدة
لكل النسوة
وصفك
ام واخت
وحضن
وحبيب
وأحلى ونيس
ومن غيرك
الدنيا ما تسوى
واللى قال عنك صغيرة
دوول عالم بقر
انتى اساس الكون
ونبت الشجر
انتى نور العيون
وجمالك
ينطق الحجر
انتى رحيق الغصون
والبدر والقمر
من غيرك عمرى
ما اكون
ولا كان
كل البشر
يا فجر يالى ميلادك
كان من فرحها
يا بحر يالى بلادك
بترسى على شطها
يا بدر يالى ولادك
نبت من طرحها
عايش والجنة زادك
طول ما بتزرع
حب وفرح
على ارضها