قصة قصيرة – حاقعد ف وطني وسط اهلي وناسي

17523181_1353526608072310_6063590146683784420_n

عزة حزين

حاقعد ف وطني وسط اهلي وناسي
مهما كان الزمن عليا قاسي
لو اكلتني دقة وشربتني مر كاسي
برضه هي اجمل مكان مراسي
وتاريخها تاج علي راسي
عمار يامصر
فيكي رمل وبحر وعليكي رصة شماسي
ومراكب ف المية زي البط
ومنها ع الشط راسي
والشبك والصيد والرزق يحب الخفية
مهما شكوا وبدموعهم بكوا
لما يجربوا غيرك حيعرفوا
ان السفر مجرد فرجة
ودي طبيعة بشر
حب استطلاع لأرض وجو وبحر
متعة آه لكن من غير حنية
ووحتفضل غريب طول ماانت بعيد
ويوم ماترجع حتي لو كنت هناك سعيد
لو بعد سنين
راجع معاك المال واسرتك والعيال
حتلاقي القرب والعشرة والحنين
واللقمة ام طعم حلال
مع اللمة والقعدة الحلوة
والضحكة العالية وراحة البال
اسأل اللي هاجر
اسأل كل راحل و اللي ع السفر شد الرحال
حتلاقي الظروف خلته يكابر
خليك زي الطير مهما طار وعلي
يرجع يدور بعد تعبه ف لم رزقه
اللي ربه مدبره ومقدره
علي غصن شجرة فرشه بقشوه
يهدي ويحن لخن عشه
يحلم ببكرة تتحققله فكرة
حلمه يتحقق وتتجدد الرؤية
راضي بعيشته والدنيا فلة
بيغرد م الفجر ويدور علي ضلة
و حبة قمح و مية متسرسبة من قلة
بقلمي عزة حزين

Image may contain: 1 person, text
Advertisements


التصنيفات :ادب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: