همام وقهوة الحاج عبد السلام -قصة قصيرة

17523181_1353526608072310_6063590146683784420_n

عزة حزين

ريحة القهوة تجذبك
وكمان لون الشاي
مع تقليب المعلقة لسكرك
وكأنك بتعزف مقطوعة ع الناي
والواد القهوجي دايما هليهلي وبسيط
متكلم وبغبغان مش عبيط ولا حتي غويط
ولا غاوي نكد وتعقيد
كل همه ترضي عنه
وتدوم قعدتك براحتك وتتكيف بغنوتك
وتجيله كل يوم حتي لو الدنيا عتمة
ولا ف السما نجوم
وكمان لو الجو مليان غيوم
يحب الزبون والزبون يتعود عليه
ويجيله كل يوم حتي لو حالته إيه
يشرب القهوة والشاي من عمايل أيديه
والبقشيش بيفرح بيه لو كان جنية
لابس مريلته بيكسب من شغلانته
جنب الفلوس حب الناس ليه
دايما صوته عالي وبيفرح بالزبون البيه
مروق مزاجه ومزوق كلامه
حسب الطلب اللي بينده عليه
صوته رنان تسمعه ألحان
كأنه فنان إسم الله عليه
ظابط المكان وكأنه بستان
ورد وريحان
يولع الفحم ويحضر الشيشة
ويهل بالدخان ابو ريحة جنان
بيجري بين الترابيزات
كأنه بهلوان
شايل صنيته فيها الطلبات
بخفة وحركة ومن غير مايكتب
هو حافظها ويقدملك طلبك
ويجيبها لحدك رهوان
وهي لسه بتطلع دخان
والساقع عنده يروى العطشان
الراديو داير ماعدا وقت الادان
تسمعه لايف م الجامع
اللي ف وسط الميدان
اغلبية الترابيزات مرصوصة ع الرصفان
ونص الشارع محجوز للقهوة
وبالشباب مليان
يحاسب من غير آلة
ويبدأ كلامه بخليها علينا المرااادي
والمعلم يبصله بصة رضا ويديله الامان
ماهو لولاه القهوة ماكانت بالنفس عمران
ويقوله آخر الليل وهو بيه فرحان
أصل قدمك قدم السعد ياوااد ياهمام
بقينا أجدع قهوة فيكي ياحلوان.!
صحيح الرزق يحب الخفية
والحلال حلوووو مافيش كلااااام!!
تمت

Image may contain: coffee cup and drink
Advertisements


التصنيفات :Uncategorized, ادب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: