حكايه وعدت

Image may contain: 1 person

هند عبد الهادى

غنوها ع الربابه
وعادوها كَتييييييير.. يابا.
قالوا ناس كانوا غلابه..
كلتهم الديابه

ف ليل كان حزين..
قمره كان وشه طين..
متحني بدمعتين..
غش ونبحه كدابه..

قالوا عليهم وعادوا
بعده بس ماغابوا..
ولما عادوا.. لينا ..
عادوا متقطعين..

مقسومين….. لنصين..
لاتعرف مين..فيهم
الشمال ولا مين عاد اليمين..

تسألهم انتم مين؟
يجاوبوا بسؤالين؟

اولهم احنا ايه؟
و تانيه ليه عنا عاد تايهين؟

ويقولوا باعلى صوت..
احنا اللي الزمن عدانا

خلا بدايتنا توهه..
ف طريق كله عَجين..

طَحِينُه من بدنا..
وسواه علي نار قلوبنا..
وعيشنا متسوحين..

مافيش فيه ميزان..
الكفه تملى مايله..
لصالح الفاسدين..

واحنا اللي بين الرحايا..
يا خلق مطحونين..
يا خلق مطحونين.
.
زادنا من قولة آه..
وزودنا كله آنين.

وآخرتها تسألونا؟ .
وتقولوا انتوا مين..؟؟
احنا الشقيانين..

خربت علينا يا يابا..
من فعلة شياطين.

واحنا يابو غلابه..
وهما حبة ديابه..

غدروا ف ليل حزين..
قمره كان وشه طين..

يبقا احنا مين ولاانتم مين
مش فارقه والله يا يابا
الدنيا كلها غابه..
وكلنا غلبانين…

يالي سؤلاتكم كتييييييير ..
اسألوا الفتايين.
يقولولكم احنا مين..
بالعربي او بالغربي..
أساتذة طيابه..
ع حبة قلوب غلابه..
نعست ف ليل حزين.

وكلتهم الديابه..
وكلتهم الديابه..
حكايه وعدت..
غنوها ع الربابه..
وحكوها المداحين

Advertisements


التصنيفات :شعر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: